بحبك يا ريس
مؤكد أكيد
ورغم ازدياد
و ارتفاع و انسداد
أسعار الحديد
بحبك أكيد
بحبك و حبك مشخرم في قلبي
وكل اما ينقص
ألاقيه يزيد
على عكس سعر الفايدة
اللي انتقاصها - لديكم - صار عايدة
ومش من بعيد
وزير اقتصادك
و قوتك و زادك
ماهوش م الصعيد
ده رغم أنه أصلع
مأمرك مضلع
يصنف يا فندم كعيل جديد
و غول الحديد
آه غول الحديد
كلامه سديد
تملي يا فندم كلامه سديد
كأنه حديد في حديد في حديد
و آخرة ما ينخز في صابعك حديد
يطلع صديد
لأنه يا فندم
ماهواش بليد
ده نونو و أناني
و عنده مشروع تاني
طريقه الاكيد
برادة الحديد
بتاعة الصديد
بقوللك بحبك
و حبك ده عيد
لكنني بسمع كلام عن التمديد
الشر برة و بعيد
فوحياة العيد
بتاع الجريد
بلاش أي تمديد
يخليك سعيد
بعمرك مديد
ماتسيبها سيد
أيوالله ، ماتسيبها سيد
| |
|
