السلام عليكم و رحمة الله و بركاته

اهلا بكم أخوتى وأوحشتموني كثيرا الفترة الماضية عذرا بقه المزاكرة و الامتحانات و الذى منههخش فى الموضوع دغرى أحسن...
الواحد الفترة اللى فاتت جال فى خاطرى موضوع محيرنى و أعتقد انه محيرى ناس كتير برضه!! 
هل المذنب مريض ؟سؤال مبهم و أكيد محدش فاهم حاجة
نوضح
هل الواحد فينا لما بيعمل ذنب و يتعود عليه هل بيبقى مريض ولا هو مذنب و مرتكب سيئات  
برضه شويه كلام ملخبطين محتاجين إعادة صياغة
هضرب مثال :الواحد اللى بيتفرج على مواقع جنسية و مدمنها هل هو مريض نفسيا  ولا مذنب مثال آخر : هل اللى بيكذب لنقص داخلى عنده ، هل هو مريض أم مذنب مثال ثالث:اللى ابوه و امه مزهقينه فى عيشته و كل شويه يزعقوا فأكيد بالإكتساب صفة الزعيق و النرفزة فتيجى لما تزعق : هل ده يعتبر عقوق و ذنب 
المخدرات تعتبر ذنب و لكن احنا بنعتبر المدمن انه مريض ولازم يتعالج و فعلا بيدخل مصحة علاج ادمان و بياخد 12 مستوى من العلاج و بيخرج سليم و بيبطلهل كده تعتبر المخدرات ذنب ولا مرض
ط ــيـ ـب لو طاوعتونى و قولتوا معايا ان التلات حاجات اللى احنا قولناهم فى الاول أمراض ، طيب لما الواحد بيكذب مثلا ، هل عتيد ملك كتاب السيئات هيكتبها على انها ذنب ولا انت مريض و عندك نقص فليس على المريض حرج؟؟؟
انا هسيب الموضوع معلق كده و عاوز أسمع ردودكوا بفارع الصبر و البوست الجاى أتناقش مع ردودكوا و نجاوب على السؤال 
هل إحنا مرضى أم مذنبين؟