غريب أصلا لحد دلوقتي إن عمليات القرصنة في خليج عدن زادت بشكل بشع ومع ذلك مفيش أي حد متخصص في شئون الجماعات الارهابية حلّل الموضوع وربطه بتنظيم القاعدة فرع الصومال.

إيه الخيبة دي؟ هو في حد واخد توكيل العمليات دي غير القاعدة؟

الأغرب من كده إن الظواهري ماعملش كليب جديد أو ألبوم يعلن فيه مسئوليته عن هذه العمليات!!!

--------------------------

كانت مسخرة إمبارح لما باشوف الجزيرة الفضائية لقيتهم جايبين ألبوم جديد للظواهري وبيسمعوه أغنية بعد أغنية وجايبين محلل من أمريكا وكمان عمرو الشوبكي من مصر عشان يحلل الخطاب الجديد الذي أدلي به الظواهري بصفته - أي الألبوم - خبرا محوريا يهم الكرة الأرضية وبصفة محتوي الألبوم شيئا يحمل أبعادا استراتيجية وسياسية .... باردو فك الشفرات محتاج أقوي جهاز مخابرات في المنطقة.