هَوَامِش - Sun, 2008-07-06 18:24 By يَحيى المِصري
كان اللي خلاني أعيش و أقدر
ألاقي قدامي سبيل واحد
شفايفي بالنيل الرحيم إتبلت
و أنا إبن الصحرا المهاجرة اللي خلت
الشاعر العربي يقول للناقة
ميلي على بيت اليتيم كل يوم
أول حليبك بالحنان و الحق
للأولاد أخوي الميت
قنيت تراثك من أتم الخلق
و عمرو فرق جسمه بين القوم
إيدك تكون أخشن و قلبك أرق
و نعيش لبعض مقدرين الواجب
مش حلوة بين الإخوات يا كلمة لأ
حنموت لبعض و مانلاقيش نتعاتب
مش حلوة بين الإخوات يا كلمة أنا
كل بن آدم ضنا
صاحبك أخوك إبنك شهيد ودّاد
موّالي يحضر للعمل في ميعاد
ورديّة اللي إستشهدوا إمبارح
و كل مصري في الميعاد يحضر

فؤاد حدّاد

All tags:

None

My tags:

A comma-separated list of terms describing this content. Example: funny, bungee jumping, "Company, Inc.".

Your rating: Select ratingGive it 1/5Give it 2/5Give it 3/5Give it 4/5Give it 5/5

Average: 1 (1 vote)