مش عارف من غيرك كنت هعمل إيه
كنت فاكر إنى هفضل زى مانا ومش هتغيير
ما كنتش أعرف إن مش مهم إنى أتغير المهم إنك تتقبلينى زى مانا
ماكنتش أتخيل إن حالتى المزاجية سواء سعادة أو حزن تكون واقفه على إنى أسمع صوتك
لو مدايق شوية وكلمتينى بلاقى نفسى بقيت مبسوط المهم أسمعك وإنتى بتضحكى
ولو مبسوط ولقيتك مدايقة بحس إنى تعبان وعايز أعملك أى حاجه وتكونى مبسوطة
مش عارف لو مكنتيش معايا الأيام دى كان ممكن يحصلى إيه
كنت هكلم مين وأقولة إنى مخنوق؟
كنت أتكلم مع مين وماتكسفش من أى حاجه
طب هو إنتى هتفضلى كدا على طول؟؟
هتفضلى حاسة بيا بالشكل دا على طول؟
هو أنا لو مش معاكى كنت قبل ما أنام هفكر فى مين؟
طب كنت هبص على صوابع إيدى اليمين وأقول إيه؟
هو أنا لية بقالى كتير مبسوط؟
طب هو ينفع نفضل كدا على طول ولا لازم يبقى فيه أيام مش لطيفة؟
طب أنا ممكن أعمل إيه علشان نفضل كدا على طول
طب هو انا مبسوط علشان معاكى ولا علشان بحبك؟
طب أنا عايز أفضل كدا على طول
أعمل إيه؟
| |
