دة تاج جانى من أحمــد الصبــاغ ، و ذوالنــون المصـــري

هم مقالوليش لكن لقيت اسمى مكتوب بين أسماء اللى اتمررت لهم

وبما أن ملقيتش صورة تاج تليق بمضمونه

فحطيت نفسى بدل صورة التاج

ربما لأنى أعانى من مرض النرجسية والبارانويا المستفحلة والورم النفساوي

فى ذاتيتى كما يحلو للبعض وصفي و التعبير عني

ولو أن النرجسية حلوة برضة ومنعشة و بتجيب طراوة عالمراوح

لقيتنى أحسن من مية صورة تاج

خخخخخخخخخخخخخخ

نشـــــوف

............******............

१

هل توافق على حذف خانة الديانة من البطاقة الشخصية ؟

ج _ نعم أوافق

كما أؤيد حذف خانة المطلقة والأرملة والمتنيلة على عينها و المتجوزة واللى

آنسة والرجل المتجوز واللى مش متجوز

والاحتفاظ فقط بالاسم وتاريخ الميلاد والوظيفة و العنوان

وطبعا تناسوا فصيلة الدم على اعتبار اننا شعب معندوش دم

....................................

२

ما رأيك فى المثليين ؟ هل هى حرية شخصية ؟ هل توافق على الإعتراف

بالمثليين ؟ هل لديك أصدقاء من المثليين ؟

ج _ بالطبع دى حريتهم الشخصية

فكما أنى أصرخ منادية بحريتى فى اختيار شريك حياتى

لكل منهم الحق فى اختيار شريك حياته ، ومحدش بيشيل ذنب حد

كل واحد منهم يتحمل نتيجة اختياره وسلوكه فى النهاية

نحن البشر لسنا قيمين على أخلاقيات أو مذاهب الآخرين ، وكل واحد حر

فى قربته اللى شايلها على ضهره

لو على الإعتراف بيهم من عدمه لن يقدم أو يؤخر فى وجودهم ، فوجودهم

حقيقة واقعة ولن يحتاج منا لإعتراف أو انكار

وعلى أى حال أنا ماليش أصدقاء مثليين ، وفيها اية يعنى لو كان فيه؟؟؟

عادشــــي

.........................................

३

هل تعتقد بوجود إضطهاد للمسيحين فى مصر ؟

ج _ دى واسعة شويتين وتلات شويات

مفيش حاجة اسمها اضطهاد مسيحيين فى مصر ، لو بنظرة عابرة للسجون

والمعقلات وعلى تجاوزات المحليات والمجالس المحلية على الأرزقية فى

الشوارع و عالأرصفة ، حتلاقيها كلها ضد المصريين عامة ، وليست ضد

دين بعينه، وطبيعى لأن المسلمين أغلبية ، يذهب نصيب الأسد من الاضطهاد

للمسلمين بطبيعة الحال

اضطهاد سلطة وشوية مرضى نفسيين مصابين بداء الدونية وإحداث النعمة

والمناصب ممن يعتلون الكراسي لشعب كامل

وبالتالى كل مقهور يفرغ قهره على من هو اقل منه عددا وقوة

حسبة طبيعية

واللبيب يفهم بقا

.........................................

४

من هو الشخص الذى تختاره لرئاسة مصر ؟

ج _ أممممممم

أى انسان مصرى ، لم يلتحق بالقوات المسلحة ولا قاد طيارة حربية فى عمره

غالبا" حيكون من العشوائيات او من الطبقة ما تحت المتوسطة

لعل وعسى

بس مؤقتا يعنى لحد ما نلاقى عشوائى مؤهل

أختار ابراهيم سعيد

خخخخخخخخخخخخخخخخخ

(: (:

........................................

5

أذا قمت بتأسيس حزب سياسى

من هم الأشخاص الذين ستقوم بضمهم فى الحزب ليشاركوك فى حكم مصر

حال فوزك فى الإنتخابات ؟ هل توافق على مشاركة كل من :

الإخوان المسلمين - الأقباط فى الحكم ؟

ج _ اخوان مسلمين؟؟

ممكن ، لو عملت حكومة ائتلافية لكن طبعا حأمسكهم حقائب زى حقيبة الهجرة

لفتح باب الهجرة للخارج شرط ألا يقتصر الهجرة الى الدول الاسلامية فقط والا

حيبقا فقر دكر يعنى مقفول بضبة ومفتاح

أو الموارد المائية بشرط ألا يشترطوا على الشاربين الشرب باليد اليمنى فقط

وتحديد ساعات انسياب المياة فى صنابير الشعب على مواقيت الوضوء فقط

و قطع المياة وحث الشعب على التيمم فهو خير له وسنة نبوية مطهرة

أو الاتصالات بشرط ألا يلجأوا للتنصت كما اشتهرت حقبة ناصر ومن والاه

أو حقيبة الصحة شرط ألا يتم اقتصار المداواة على الأعشاب الواردة من بلد

الحرمين وما جاورها من سواك وحبة البركة وخلافه ، أوحقيبة المواصلات

شريطة الا يتم اقصاء المركبات الحديثة واستبدالها بالناقة والحصان و الهودج

الأقباط؟؟

واية يعنى؟ ماهم فعلا فى تشكيلات الحكومات المصرية من وقت ما عرفنا ان

عندنا حكومات ، على أساس أنهم مصريين وليس تبعا" لانتمائهم العقائدي

انت عملتهم حزب لوحدهم زى الاخوان ليــــــه؟

حتفتح عنيهم لية وهى مغمضة ؟؟

عموما" ، انا لو عملت حكومة حأعلمها مصرية مية فى المية

مكونة من حسن ومرقص وكوهين لو لسة فيه كهاينة فى مصر

واللى مش عاجبة معنديش الا كرباج الديكتاتورية

الناس مش ناقصة قرف وخنقة وأفشخنات ومعارك وزرا صيع مش لاقين

حاجة يعملوها فيشتغلوا الناس

...........................................

6

فى رأيك الشخصى ما هى أفضل مدونة على بلوجر قمت بزيارتها ؟

ج _ أممممممممممم

سؤال صعب ، دول كتير جدا

ولو قلت اسم غير اسماء أخرى يبقا ظلم واجحاف حق لناس كتير

..........................................

7

للذكور فقط : أيهما تفضل كزوجة ؟ إمراءه عاملة ، أم ربة منزل ؟

ج _ اللى بعده

.............................................

8

للإناث فقط : هل توافقين على الزواج من رجل مطلق ؟

ج _ لو فى العموم

واية المشكلة؟

شكمنه ساكند هاند و مستعمل قبل كدة يعنى؟؟

رغم ان الرجل بيعانى من مشكلة فى الارتباط لأول مرة بامرأة مطلقة أو أرملة

وحتى لو هو فى نفس ظروفها بيلجأ للزواج بها بعدما ترفضه وتنفضله بنات

الفرز الأول

ورغم انه حقى أتشرط على فخامته زى ما هو منح نفسه حق التشريط علينا

لكن خلينا احنا الأحسن برضة فى النهاية

نوافق وأمرنا لله

دة لرفع المعنويات ليس الا

............................................

9

اذا تزوجت وأنجبت ولدين وبنتين .. أى الأسماء تحب أن تسمى ؟

ج _ اشمعزة ولدين وبنتين يعنى؟

حأدخل بيهم تشكيل نهائى أفريقيا لوحدى؟؟

بما أنها فرضية

فالبنين ، أحب جدا الأسماء المشتقة من صيغة التفضيل فى اللغة العربية

مثل أمجد _ أكرم _ أدهم الخ الخ ، لكن لو على أول طفل ليا لازم أسميه

على اسم والدي ... يوســــف ، بأحب الاسم دة جداااااااااا وأسماء التفضيل

تيجى بعد يوســـف طبعا" أكيد

البنوتات فأحبهم لقلبى مريم _ سارة

و أى خدمة

.............................................

10

هل تعتقد أن توريث الحكم فى مصر . . سيتم فعلا أم لا ؟

ج _ فى الحالة دى

مش بالاقى أفضل من مقولة الشهير عبحليم اللى بتقول

طريقك مسدووود مسدووووووووووود

ياااااااااااااا ...... مصري

وحيتم غصب عن عين التخين لو استمر الحال على ما هو عليه

والأيام بيننا

..............................................

११

فى رأيك الشخصى : ماهو أفضل إنجاز لحكومة مبارك ؟

وما هو أسوأ عمل قامت به ؟

ج _ أفضل انجاز؟؟

أمممممممم

أمممممممممممممم

أممممممممممممممممممم

ميلودى هيتس و ملحقاتها

أسوأ انجاز؟؟

يا ليــلة زرقــا

مش ملاحقة أعد

بس خد عندك

أولاكشى ... حكومة عبيد

التانى ... الكويز وما خربت من بيوت

التالت ... الصرح الأفخر... أحمد عز ومن والاه و سلملى عالحديد

ودمار تجارة المقاولات فى مصر

الرابع ... مجلس الشعب و الشورى... برطماننا الموقر... وما يحدث له من

تدهور و عفونة واضحة المعالم... فيه فى العالم اعضاء بالتعيين من رئيس

الجمهورية يا عااااااااالم؟

وأحيـــــه يا أبوسوسو أحيــــه

الخامس... التعديلات الكستورية فى مواد الدستور

و كفاية لحد كدة وخلينى ساكتة وكاتمة فى قلبــــــــي

مش حألاقى حبر أكمل بيه

.......................................

12

يتمرر لمين ويرد عليه ؟

ج _ لكل بلوجاوّى قراه وحب يجاوب عليه ووجد فى نفسه هوى لإجابته

عادى يعنى

====================

حكمــــــــة اليـــــوم

**********

يا قلبـــــي يا كتاكـــــــت

يامـا انت كاتــــم وساكـــــــــت