<a href=”“

أغنية جميلة لنجاة الصغيرة أحبها والدى الله يرحمه كثيرا وكان كل مايسمعها يتأثر جدا لأنه كان ييشتغل بمدينة غير التي تقيم بها الأسرة كلها حيث ظروف الهجرة والحرب حتم عليها ذلك ، فكان مقيم لوحده لكن عقله وقلبه كانت مع الأسرة والأهل ويفضل يسمع الأغنية دى مرات ومرات على حد قوله، كنا فى الوقت ده شباب صغيروكل اللى شاغلنا أغاني عبد الحليم حافظ وحفلات عبد الحليم ، ولم نعطي لنفسنا فرصة أننا نستمع للأغنية الجميلة دى من أولها لآخرها . النهاردة شفت فى التليفزيون الأغنية بكاملها وسمعت كلماتها وتأثرت جدا وحسيت باللى بابا كان بيحسه لما يسمع الأغنية .
شافنى زوجي وأنا بأسمع الأغنية ومتأثرة قعد يضحك ويقولى ان الطير المسافر الأيام دي معدش بيحمل جوابات علشان راحت عليها والموضة دلوقتي الأيميلات ضحكنا أنا وهو من قلبنا وأدعوكم لسماع هذه الأغنية الرائعة معنا.