Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

النهاردة 15 مارس

النهاردة المفروض يكون عيد جوازى السابع

امبارح هانى جه علشان يشوف شريف ويطمن علينا

سالت نفسى يا ترى هانى فاكر وعارف

ان بكرة كان المفروض يبقى عيد جوازنا؟

ضحكت معاه وقلتله

فاكر ليلة دخلتنا يا حسب الله

ضحك وقاللى ايوة فاكر

وفضلنا نبص لبعض شوية

وماتكلمناش ولا كلمة

كل اللى حصل اننا نطقنا مع بعض بنفس الجملة

قدر الله وماشاء فعل

هانى ابتسم على توارد خواطرنا

وهز راسه وقال

الحمد لله على كل شئ

وانا قعدت افكر فينا

وافكر فى ترابطنا ببعض رغم طلاقنا

مرتاحة اوى ومش ندمانة

مرتاحة لشكل علاقتى بهاني بعد الطلاق

ساعات بتحصل بينى وبينه مناوشات

ونقعد نعيد ونزيد فى اسباب طلاقنا

ونترفز على بعض

ويستغباني على اصرارى فى طلب الطلاق

وانا اقوله

لو كنا فضلنا مع بعض

كنت هاكرهك

وكنت هاتكرهنى

وكنا هنكمل مع بعض تحت بند

عيشة والسلام

وده مبدأ مرفوض من ناحيتى

يا اما اعيش عيشة فل

يا بلاش منها العيشة خالص

يسكت شوية ويقولى بيأس

دماغك عايزة الكسر

لما بسال نفسى

يا ترى هو انا لسة بحبه؟

مابلاقيش اجابة مقنعة على سؤالى

غير اغنية لوردة

بتقول فيها

اكدب عليك لو قلت بحبك لسة اكدب عليك

واكدب عليك لو قلت نسيتك همسة اكدب عليك

النهاردة بعد الساعة اتناشر

لاقيته بعتلى ماسيدج

بيقولى فيها كل سنة وانتى طيبة جدااااااااااااا

ضحكت واتبسطت انه لسة فاكر عيد جوازنا

مبسوطة

انى متاكدة اننا على الرغم من طلاقنا

الا اننا مش بنكره بعض

بس خلاص

اخر الكلام

يا قلبي خبي لا يبان عليا

ويشوف حبيبي دموع عنيا

ده مش نصيبي لكن حبيبي واكتر شوية

انتهى

بت خيخة وأي كلام