الحر
والرطوبة
وجو الربيع.. صار مرتبطا عندي بذكريات لا أحب تذكرها، رغم أنها في أحيان قليلة تكون عذبة بحق..
**
أحمد؟
نعم؟
عايزة ورد..
ايه؟ خلفتك ونسيتك؟
عايزة ورد يا أحمد.. عايزة حد يجيب لي ورد، مش عايزة أجيبه لنفسي، شكلي وحش قدام نفسي، وكمان مش ليه طعم... هات لي ورد
حلاوتك! منظري ايه وأنا باديكي الورد؟ بلاش.. منظرك إنتي ايه وانتي داخلة بيه؟ جايباه منين يا شابة؟ (وهو يقلد صوت سيدة عجوز)
مالكش دعوة، ح اتصرف.. هاته إنت بس.. ويكون أ حمر جدا ، مش أحمر فاتح..
أمري لله.. عايزة كام وردة يا ستي؟
اتنين
ايه؟ كل الهيصة دي على وردتين؟؟؟
يادوب.. كفاية.. يونسوني.. أبوسهم وأديهم أسامي وأصبح عليهم كل يوم..
..
..
احمد؟
نعم تاني؟
ألف شكر (وأرسلت له ابتسامة ممتنة جدا. رغم أنها ذات الابتسامة التي لا تتغير على البرنامج، فإنه أحس بها، ممتنة جدا)
***

يأتي ربيع آخر، ولا أصبغه بأفكار جديدة، ولا أحداث جديدة، بالتالي لا ذكريات.. أعيش مع قديمها فحسب..
كلا، لا "أعيش" بل تداهمني، أدفعها فيجافيني النوم.. أقول وهل ضريبة النوم التذكر؟
_____________
* من فيلم "أحلى الأوقات" : "وما تقوليش بوكيه الورد بعشرين جنيه، وإنك شايف نص كيلو الكباب رومانسي أكتر منه"..