ندخل فى صلب الموضوع على طول مفيش موضوع او خطبة او شريط او فيديو لواعظ ديني بيخاطب النساء الا ويذكر حديث كاسيات عاريات 
كنوع من الترهيب للمرأة واتعجبت لما اكتشفت ان الكل بينتقي من الحديث جزء وبيهملوا الجزء التاني
اللى فى اعتقادي انه اهم والاهم ان في صيغتين للحديث وكلهم بيقدموا رواية عن الرواية التانية 
بس لو قرينا الرواية التانية ممكن نفهم ايه السبب 
نقرا الحديثين 
الحديث الاول بيقول

صنفان من أهل النار لم أرهما قوم معهم سياط كأذناب البقر يضربون بها الناس، ونساء كاسيات عاريات مميلات مائلات رؤوسهن كأسنمة البخت المائلة، لا يدخلن الجنة ولا يجدن ريحها وإن ريحها ليوجد من مسيرة كذا وكذا

والحديث التاني اللى احتج بيه الامام مسلم بيقول 

سيكون في آخر أمتي رجال يركبون على السروج كأشباه الرجال ينزلون على أبواب المساجد، نساؤهم كاسيات عاريات على رءوسهم كأسنمة البخت العجاف العنوهن فإنهن ملعونات .... الخ

مش هخوض فى تفسير للحديث ولا هخوض فى فهمى لكاسيات عاريات لكن عندي سؤال الحديث بيقول نساؤهم كاسيات عاريات هم دى عايدة على ميين !! الجواب هيكون اشباه الرجال اللى هينزلوا على ابواب المساجد اللى بيحملوا سياط يضربون بها الناس مين هما الرجال دي ونساؤهم هيكونوا ازاى كاسيات عاريات وهل المتبرجات مش من ضمن الكاسيات العاريات ؟ الا بقة لو كاسيات عاريات دى احنا فهمنها العكس !!!